OPEC+ ölkələri aprel ayında neft hasilatını gündəlik 820 min barel azaldıb

Neft hasilatının məhdudlaşdırılması barədə razılaşmada iştirak edən OPEC+ ölkələri 2026-cı ilin aprel ayında hasilatı gündə 820 min barel (bpd) azaldıblar.

Operativ Media xəbər verir ki, bu barədə Beynəlxalq Enerji Agentliyinin (IEA) hesabatında qeyd edilib.

Beynəlxalq Enerji Agentliyinin (BEA) məlumatına görə, aprel ayında neft hasilatını könüllü olaraq məhdudlaşdıran OPEC+ ölkələri üçün hədəf səviyyəsi gündəlik 36,15 milyon barel, faktiki istehsal isə gündəlik 26,9 milyon barel olub. Bu, təxminən gündəlik 9,25 milyon barel geriləmə deməkdir.

Aprel ayında bütün OPEC+ ölkələrinin hasilatı gündəlik 830 min barel azalaraq 34,13 milyon barelə düşüb.