İyunun 2-də Minskdə Belarus-Azərbaycan biznes forumu keçiriləcək.

Operativ Media xəbər verir ki, bu barədə "Belta" məlumat yayıb.

Bildirilib ki, Minskdə keçirilən Belarus-Azərbaycan hökumətlərarası ticarət-iqtisadi əməkdaşlıq komissiyasının 16-cı iclası çərçivəsində Belarus Ticarət və Sənaye Palatası, Azərbaycan Respublikasının İxrac və İnvestisiyaların Təşviqi Agentliyi (AZPROMO) ilə əməkdaşlıq çərçivəsində Belarus-Azərbaycan biznes forumu və B2B görüşləri təşkil edir.

Tədbirdə Belarus və Azərbaycan şirkətlərinin nümayəndələrinin təqdimatları, kommersiya müqavilələri və sazişlərinin imzalanma mərasimi və genişləndirilmiş B2B danışıqlarının olacağı gözlənilir.