Andrey Yermak daha üç gün həbsdə qalacaq

Ukrayna Prezidenti Volodimir Zelenskinin ofisinin keçmiş rəhbəri Andrey Yermak daha üç gecəni də istintaq təcridxanasında keçirəcək.

Operativ Media xəbər verir ki, bunu Ali Radanın deputatı Yaroslav Jeleznyak bildirib.

O, Telegram kanalında yazıb: "Yermakın girov pulu iki gündür ki, alınmayıb, ona görə də o, bazar ertəsinə qədər daha üç gecə məhkəməyəqədər həbsdə qalacaq".

Daha əvvəl deputat girov üçün lazım olan 140 milyon (3,1 milyon dollar) məbləğdən təxminən 100 milyon qrivna (2,3 milyon dollar) toplandığını bildirmişdi.