Çində şiddətli yağışlar və daşqınlar 22 nəfərin həyatına son qoyub.

Operativ Media xəbər verir ki, bu barədə Çin mətbuatı məlumat yayıb.

Bildirilib ki, güclü yağışlar ölkənin müxtəlif bölgələrinə təsir göstərib.

Çinin cənubundakı Hunan əyalətində baş verən daşqınlar nəticəsində 5 nəfər ölüb, 11 nəfər itkin düşüb.

Axtarış-xilasetmə əməliyyatlarının davam etdiyi bölgədə 19 mindən çox insan təhlükəsiz ərazilərə təxliyə edilib.

Guizhou əyalətində güclü yağışlar səbəbindən bəzi yollar və binalar su altında qalıb və bölgədən 3700-dən çox insan təxliyə edilib.