İsrailin Livanın cənubuna endirdiyi hava zərbələri nəticəsində yeddi nəfər həlak olub

İsrailin Livanın cənubundakı Nəbatiyyə bölgəsindəki iki şəhərə hava hücumları nəticəsində yeddi nəfər həlak olub.

Operativ Media xəbər verir ki, bu barədə Livanın rəsmi xəbər agentliyi "NNA" məlumat yayıb.

Bildirilib ki, İsrail döyüş təyyarələri Nəbatiyyə əyalətinin Duveyr şəhərindəki əl-Baraka məhəlləsini hədəfə alıb.

Hücum nəticəsində beş nəfər həlak olub, iki nəfər yaralanıb və çoxsaylı evlər tamamilə dağılıb.

İsrailin Nəbatiyyə bölgəsindəki Tebnin şəhərinə endirdiyi hava hücumu nəticəsində iki nəfər də həlak olub.