Fransada Luvr muzeyinin qarət edilməsi haqqında bədii film çəkiləcək.
Operativ Media xəbər verir ki, bu barədə Fransanın "Le Figaro" qəzeti məlumat yayıb.
Bildirilib ki, rejissor Romen Qavras layihə üzərində işə başlayıb. Film sənədli araşdırma və jurnalistlər Jan-Mişel Dekuy, Jeremi Fam-Les və Nikolas Torrenin 27 mayda satışa çıxarılacaq kitabına əsaslanacaq.
Nəşrin məlumatına görə, hələlik yaradıcılar detalları gizli saxlayırlar: həm aktyor heyəti, həm də filmin adı məlum deyil. İlkin məlumatlara görə, premyera 2028-ci ilə planlaşdırılır.
