İsrail ordusu “Hizbullah”a qarşı əməliyyatları genişləndirir

İsrail Livandakı şiə hərəkatı "Hizbullah" əleyhinə döyüş əməliyyatlarını davam etdirəcək.

Operativ Media xəbər verir ki, bu haqda İsrail Müdafiə Ordusunun (SAXAL) Baş Qərargah rəisi, general-leytenant Eyal Zamir danışıb.

“Bu gün (24 may) şimal istiqamətində döyüş əməliyyatlarının davam etdirilməsi planlarını təsdiqlədim. Biz “Hizbullah”a və bu təşkilatın bütün terrorçu strukturlarına qarşı zərbələri gücləndirməkdə qətiyyətliyik”, — deyə Baş Qərargah rəisinin açıqlamasında bildirilir.

Zamir əlavə edib ki, “Hizbullah”a vurulan zərbələr sistemli və ardıcıl xarakter daşıyır: “Biz “Hizbullah” terrorçularına zərbələr endirməyə, onları məhv etməyə, həmçinin İsrailin şimal sakinləri və SAXAL qüvvələri üçün təhlükə yaradan obyektləri sıradan çıxarmağa davam edirik".