Hindistanda benzin və dizel yanacağının qiymətləri artıb

Hindistanın yanacaq şirkətləri benzin və dizel yanacağının pərakəndə satış qiymətlərini müvafiq olaraq litr üçün 2,61 rupi (0,0273 dollar) və 2,71 rupi (0,0284 dollar) artırıb.

Operativ Media xəbər verir ki, bu barədə "ANI" məlumat yayıb.

Yeni Dehlidə 25 mayda bir litr benzinin qiyməti 102,12 rupi, 1 litr dizel yanacağı isə 95,20 rupiyə satılıb.

Qeyd edilib ki, bu, son 10 gündə ölkədə baş verən dördüncü qiymət artımıdır. Mayın 15-də qiymətlər 3 rupi, mayın 19-da 0,9 rupi və mayın 23-də isə 0,7 rupi artırılıb. Yenidən baxılmanın başlanmasından bəri yanacaq qiymətlərində ümumi artım 7,5 rupi təşkil edir.