Qırğızıstan və İran prezidentləri arasında telefon danışığı olub

Qırğızıstan Prezidenti Sadir Japarov və İran Prezidenti Məsud Pezeşkian arasında telefon danışığı baş tutub.

Operativ Media xəbər verir ki, bu barədə Qırğızıstan Prezidentinin mətbuat xidməti məlumat yayıb.

Bildirilib ki, söhbət zamanı ikitərəfli və çoxtərəfli əməkdaşlığın daha da gücləndirilməsi ilə bağlı fikir mübadiləsi aparılıb.

Tərəflər Qırğızıstan Respublikasında keçiriləcək ŞƏT zirvə görüşünün xüsusi əhəmiyyətini qeyd etdilər və onun yüksək təşkilati və məzmunlu səviyyədə keçirilməsinin vacibliyini vurğulayıblar.

Qırğızıstan tərəfi mövcud vəziyyətin tezliklə həll olunmasına və Yaxın Şərqdə sabitliyin bərpa olunmasına ümid etdiyini bildirib.