Almaniya təhlükəsizlik orqanlarının səlahiyyətlərini genişləndirəcək

Almaniya hökuməti kibertəhlükəsizliyi gücləndirmək üçün təhlükəsizlik orqanlarının kiberhücumlarla mübarizə səlahiyyətlərini genişləndirəcək qanun layihəsini təsdiqləyib.

Operativ Media xəbər verir ki, bu barədə jurnalistlərə Almaniya Nazirlər Kabinetinin sözçüsü Sebastian Hille bildirib.

Hille bildirib ki, "Almaniya hökuməti bu gün kibertəhlükəsizliyi gücləndirmək üçün qanun layihəsini təsdiqləyib. O qeyd edib ki, "kiberməkanda təhlükə səviyyəsi yüksək olaraq qalır. "Almaniya həmçinin kiberhücumların hədəfidir və bəzən yüksək peşəkar səviyyədə həyata keçirilir və böyük ziyan vurma potensialına malikdir. Eyni zamanda, informasiya texnologiyalarından və onun əsasını təşkil edən kommunikasiya infrastrukturundan etibarlı və təhlükəsiz istifadənin təmin edilməsi cəmiyyətimizin fəaliyyəti, Almaniyanın iqtisadi uğuru, sosial birliyi və milli təhlükəsizliyi üçün vacibdir", - deyə kabinet sözçüsü bildirib.