ABŞ Dövlət Katibi Azərbaycanı təbrik edib

ABŞ Dövlət Katibi Marko Rubio Azərbaycan xalqını 28 May – Müstəqillik Günü münasibətilə təbrik edib.

Operativ Media xəbər verir ki, bəyanatda bildirilib ki, son bir il ərzində ABŞ və Azərbaycan arasında münasibətlər Strateji Tərəfdaşlıq səviyyəsinə yüksəlib. 

Qeyd olunub ki, bu proses ABŞ vitse-prezidenti JD Vance və Prezident İlham Əliyev tərəfindən Bakıda Strateji Tərəfdaşlıq Xartiyasının imzalanması ilə yekunlaşıb.

ABŞ tərəfi regional əlaqələrin genişləndirilməsi, iqtisadi əməkdaşlığın inkişafı və təhlükəsizlik sahəsində tərəfdaşlığın daha da gücləndirilməsində maraqlı olduqlarını vurğulayıb.

Bəyanatda həmçinin Azərbaycanın Cənubi Qafqazda davamlı sülhə sadiqliyi alqışlanıb və bu istiqamətdə əməkdaşlığın davam etdiriləcəyi bildirilib.

“Gələcəkdə tərəfdaşlığımızı daha da dərinləşdirməyi səbirsizliklə gözləyirik”, – deyə bəyanatda qeyd olunub.