Nigeriyada vəbadan ölənlərin sayı 37-yə çatıb
Nigeriyanın şimal-şərqindəki Borno əyalətində may ayının əvvəlindən bəri ən azı 37 ölüm və 3000-dən çox vəba hadisəsi qeydə alınıb.
Operativ Media xəbər verir ki, bu barədə "Punch" qəzeti ştat səhiyyə orqanlarına istinadən məlumat yayıb.
Nəşr qeyd edir ki, hazırkı epidemiya qətiyyətli və təcili reaksiya tələb edən ictimai səhiyyə fövqəladə vəziyyəti hesab olunur. Ölkənin Səhiyyə Nazirliyinin məlumatına görə, epidemiya Borno ştatının 36 rayonuna yayılıb. Episentr ştatın paytaxtı Mayduquridədir və yoluxma hallarının yarıdan çoxu burada qeydə alınıb.
Qəzet vurğulayır ki, Nigeriya beynəlxalq tərəfdaşları ilə birlikdə su, sanitariya və gigiyena sistemlərini saxlamaq və optimallaşdırmaq üçün resurslar toplayır və infeksiyaya nəzarət mərkəzlərini xəstələrin axını üçün hazırlayır.
