Tokayev ABŞ Prezidentinin Cənubi və Mərkəzi Asiya üzrə xüsusi elçisini qəbul edib

Qazaxıstan Prezidenti Kasım - Jomart Tokayev ABŞ Prezidentinin Cənubi və Mərkəzi Asiya üzrə xüsusi elçisi Sercio Qoru qəbul edib.

Operativ Media xəbər verir ki, bu barədə Akorda məlumat yayıb.

Bildirilib ki, Tokayev ilin sonunda ABŞ Prezidenti Donald Trampla görüşəcək.

Qazaxıstan lideri həmçinin qeyd edib ki, Astana Vaşinqtonla genişləndirilmiş strateji tərəfdaşlığı daha da dərinləşdirməyə qətiyyətlə sadiqdir.

Həmçinin Tokayev Mayamidə keçiriləcək G20 sammitində iştirak etmək dəvətinə görə Trampa minnətdarlığını bildirib.