Gürcüstan və Qırğızıstan arasında baytarlıq, radiasiya və nüvə təhlükəsizliyi sahələrində ikitərəfli əməkdaşlıq haqqında anlaşma memorandumları imzalayıb.

Operativ Media xəbər verir ki, bu barədə Gürcüstan Ətraf Mühitin Mühafizəsi və Kənd Təsərrüfatı Nazirliyi məlumat yayıb.

Bildirilib ki, Anlaşma Memorandumları Gürcüstan və Qırğızıstan Respublikası arasında sektoral əməkdaşlığın dərinləşməsinə, beynəlxalq tərəfdaşlıqların genişləndirilməsinə və müvafiq sahələrdə ən yaxşı təcrübələrin tətbiqinə töhfə verəcək.

Əməkdaşlığa tənzimləyici təcrübələrin və qanunvericiliyin mübadiləsi, lisenziyalaşdırma və nəzarət məsələləri, radioaktiv tullantıların idarə olunması, nüvə və digər radioaktiv materialların təhlükəsizliyinin təmin edilməsi, fövqəladə hallara hazırlıq və cavab mexanizmlərinin hazırlanması, ictimaiyyətin məlumatlılığının artırılması, kadrların yenidən hazırlanması və peşəkar potensialın gücləndirilməsi daxildir.