İsrailin Livanın paytaxtı Beyrutun cənub ətrafındakı Dahiyə bölgəsinə endirdiyi hava zərbəsi nəticəsində azı 3 nəfər həlak olub, 15 nəfər yaralanıb.

Operativ Media xəbər verir ki, bu barədə Livanın Mülki Müdafiə Xidməti məlumat yayıb.

Bildirilib ki, xilasedicilər Qobeyri rayonunda dağıntılar altından üç nəfərin meyitini çıxarıblar. Hadisə yerində axtarış-xilasetmə və dağıntıların təmizlənməsi işləri davam etdirilir.

Məlumatına görə, hücum nəticəsində 15 nəfər müxtəlif dərəcəli xəsarətlər alıb. Zərbə yaxınlıqdakı yaşayış binaları və ticarət obyektlərinə də ciddi ziyan vurub.