Pezeşkian: İranın Təhlükəsizlik Şurası ABŞ ilə dialoqu davam etdirmək qərarına gəlib

İranın Ali Milli Təhlükəsizlik Şurası (SNSC) İsrailin Livana yenidən hücumları fonunda münaqişənin həlli ilə bağlı ABŞ ilə dialoqu davam etdirmək qərarına gəlib.

Operativ Media xəbər verir ki, bu barədə prezident Məsud Pezeşkian bildirib.

İran prezidenti həmçinin əlavə edib ki, Tehran son hadisələrə baxmayaraq qonşu ölkələrlə yaxşı münasibətləri bərpa edə bilib. 

“Xoşbəxtlikdən, ölkənin son həftələrdəki diplomatik səylərinin əksəriyyəti müsbət nəticələr verib və Fars körfəzi ölkələri ilə bir çox problem və anlaşılmazlıqlar həll olunmaq üzrədir", - o, qeyd edib.