Avstraliya qitənin şimal hissəsində 19 ölkədən hərbçilərin və 100-dən çox təyyarənin iştirak etdiyi "Pitch Black 2026" beynəlxalq hava qüvvələri təliminə ev sahibliyi edəcək.

Operativ Media "Belta"-ya istinadən xəbər verir ki, bu təlimlərdə 19 ölkədən hərbçilər və 100-dən çox təyyarə iştirak edəcək.

Təlimlər 20 iyul - 7 avqust tarixləri arasında davam edəcək və Bruney, Birləşmiş Krallıq, Hindistan, İndoneziya, İspaniya, Kanada, Malayziya, Yeni Zelandiya, Papua Yeni Qvineya, Koreya Respublikası, Sinqapur, ABŞ, Tayland, Fici, Filippin, Finlandiya, Fransa, İsveç və Yaponiyadan hərbçilər iştirak edəcək.

Müdafiə Nazirliyinin məlumatına görə, "Pitch Black" Avstraliya Kral Hərbi Hava Qüvvələrinin ən böyük beynəlxalq təlimidir. Manevrlər zamanı iştirakçılar dünyanın ən böyük hərbi təlim poliqonlarından birində döyüşə mümkün qədər yaxın şəraitdə əməliyyatlar keçirəcəklər.

Avstraliya Kral Hərbi Hava Qüvvələrinin sözçüsü Met Makkormak birgə təlimlərin Avstraliyanın müttəfiqləri və tərəfdaşları arasında qarşılıqlı əlaqə səviyyəsini artıracağını bildirib.