ABŞ Prezidenti Donald Tramp İranla bağlı memorandumun mətninin ABŞ Konqresinin müzakirəsinə təqdim edilməsinə hazır olduğunu bildirib.

Operativ Media xəbər verir ki, Tramp bu barədə Birləşmiş Ərəb Əmirliklərinin (BƏƏ) Prezidenti Şeyx Məhəmməd bin Zayed Al Nəhyanla görüş zamanı danışıb.

O, Konqresin sənədlərə nə vaxt çıxış əldə edəcəyini dəqiqləşdirməsə də, sənədin təqdim olunmasına müsbət yanaşdığını ifadə edib.

“Bu barədə heç vaxt düşünməmişdim, amma onu Konqresə təqdim edəcəm. Bu fikir mənim xoşuma gəlir. Zəhmət olmasa, bunu Konqresə təqdim edin”, – deyə Tramp köməkçilərinə müraciət edib.