Finlandiya F-35 qırıcı təyyarələrini təchiz etmək üçün ABŞ-dən GBU-53 sürüşmə bombaları (storm breaker) alacaq.

Operativ Media xəbər verir ki, bu barədə Finlandiya Müdafiə Nazirliyi rəsmi saytında məlumat yer alıb.

Qeyd olunur ki, Finlandiya müdafiə naziri Antti Hakkanen Müdafiə Qüvvələrinə ABŞ ilə hərbi əməkdaşlıq proqramının bir hissəsi olaraq Amerika şirkəti "Raytheon" tərəfindən istehsal edilən sursatları almağa icazə verib.

Mətbuat açıqlamasına görə, müqavilə bombaların özlərindən əlavə, ehtiyat hissələrinin təchizatını, texniki sənədləri, kadr hazırlığını, təmir və texniki xidmət xidmətlərini də nəzərdə tutur.