Livanda ölənlərin sayı artıb

İsrail Hərbi Hava Qüvvələri “Hizbullah”ın Livanın cənubundakı Nəbatiyyə vilayətində yerləşən mövqelərinə intensiv zərbələr endirib.

Operativ Media xəbər verir ki, bu barədə Livanın Səhiyyə Nazirliyi “X” sosial şəbəkəsində məlumat yayıb.

Bildirilib ki, son 24 saat ərzində 68 nəfər həlak olub, 128 nəfər isə yaralanıb.

Martın 2-dən başlayan hərbi eskalasiya dövründə həlak olanların ümumi sayı 3 980 nəfərə, yaralananların sayı isə 12 001 nəfərə çatıb.