Türkiyənin İstanbul şəhərində Sabiha Gökçen Hava Limanına doğru hərəkət edən metro qatarının relsdən çıxması nəticəsində üç nəfər xəsarət alıb.

Operativ Media xəbər verir ki, bu barədə NTV məlumat yayıb.

Məlumata görə, üç nəfərə hadisə yerində tibbi yardım göstərildikdən sonra xəstəxanaya aparılıb.

Bununla yanaşı, hadisənin relsin yoldəyişmə sistemindəki nasazlıq səbəbindən baş verdiyi bildirilib.

21:39

Türkiyənin İstanbul şəhərində Sabiha Gökçen Hava Limanına doğru hərəkət edən metro qatarı relsdən çıxıb.

Operativ Media bu barədə "TRT Haber"ə istinadən xəbər verir.

Hadisənin səbəbi hələlik müəyyən edilməyib. İnsidentdən sonra sərnişinlər öz imkanları ilə vaqonları tərk ediblər.

Hadisə yerinə müvafiq qurumların əməkdaşları cəlb olunub.

Mümkün xəsarət alanlarla bağlı rəsmi açıqlama verilməyib.