Yaponiya Özünümüdafiə Qüvvələri və ABŞ Silahlı Qüvvələri təxminən 9,6 min hərbçinin iştirakı ilə genişmiqyaslı “Resolute Dragon” hərbi təlimlərinə başlayıblar.

Operativ Media bu barədə xarici KİV-ə istinadən xəbər verir. 

Təlimlərin əsas məqsədi Yaponiyanın cənub-qərb adalarının müdafiəsi üzrə fəaliyyətlərin və gəmi əleyhinə raket komplekslərinin yerləşdirilməsinə hazırlığın məşq edilməsidir.

Yaponiya Silahlı Qüvvələrinin Qərb Komandanlığının rəisi general-leytenant Seydsi Toriumi bildirib ki, müdafiə imkanlarının nümayiş etdirilməsi Hind-Sakit okean regionunda sülh və sabitlik üçün son dərəcə vacibdir.