Türkiyənin milli müdafiə naziri Yaşar Gülər Azərbaycanın Türkiyədəki səfiri Rəşad Məmmədov ilə görüşüb.

Operativ Media xəbər verir ki, bu barədə səfirin "X" hesabında paylaşım edilib.

Bildirilib ki, səfir Rəşad Məmmədov Türkiyədəki diplomatik fəaliyyət müddətinin başa çatması ilə əlaqədar Türkiyənin milli müdafiə naziri Yaşar Gülərə vida ziyarəti edib.

Qeyd edək ki, Azərbaycanın Türkiyə Respublikasındakı fövqəladə və səlahiyyətli səfiri Rəşad Məmmədovun diplomatik fəaliyyəti başa çatıb.

Xatırladaq ki, Rəşad Məmmədov 26 iyul 2021-ci il tarixində Azərbaycan Respublikasının Türkiyə Respublikasında fövqəladə və səlahiyyətli səfiri təyin edilib.