Rusiyanın Baş nazirinin müavini: Naxçıvanla nəqliyyat əlaqələrinin açılması vacibdir

Rusiya Federasiyası Baş nazirinin müavini Aleksey Overçuk Azərbaycanın əsas hissəsi ilə Naxçıvan arasında kommunikasiyaların açılmasının vacibliyini qeyd edib.

“Made in Russia – 2022” Beynəlxalq İxrac Forumunda o qeyd edib ki, Cənubi Qafqazda “Şimal-Cənub” və “Şərq-Qərb” İTC-nin qovşağının formalaşması davam edir.

"Bu yaradılarsa, Azərbaycan, Ermənistan və Gürcüstan əlavə icarə haqqı alacaq. Azərbaycanın qərb rayonları ilə Naxçıvan arasında Ermənistan və ya İran ərazisindən keçən nəqliyyat əlaqələrinin blokunun açılması bunda mühüm rol oynayacaq", - baş nazirin müavini qeyd edib.