İsrail Qəzzada dörd HƏMAS yaraqlısını öldürüb

İsrail Müdafiə Qüvvələri (İMQ) Qəzza zolağında Fələstin HƏMAS hərəkatının dörd silahlını öldürdüyünü açıqlayıb.

Operativ Media xəbər verir ki, bu barədə İMQ-nin mətbuat xidməti məlumat yayıb.

Bəyanatda deyilir: "İsrail Müdafiə Qüvvələri (İMQ) Qəzza zolağının şimalındakı HƏMAS-ın hərbi qanadından İsrail qüvvələrinə qarşı hücumlar planlaşdıran dörd terrorçunu məhv edib". 

Bundan əlavə, İsrail Müdafiə Qüvvələri "Həmas tərəfindən İsrail qoşunlarına və mülki şəxslərə hücumlar hazırlamaq üçün istifadə edilən raket buraxıcılarını tərksilah edib", - deyə mətbuat xidməti əlavə edib.