Ermənistanın şimal-şərqində yerləşən İcevan şəhəri yaxınlığında zəlzələ qeydə alınıb.

Operativ Media xəbər verir ki, yeraltı təkanların episentri İcevandan 14 kilometr şimalda yerləşib.

Zəlzələnin maqnitudası 2,4 olub.

Məlumata görə, episentrdə təkanların gücü 3 bal təşkil edib. Zəlzələ İcevanla yanaşı, Tavuş vilayətinin Açacur, Haştarak və Sevkar kəndlərində də 2-3 bal gücündə hiss olunub.

Hadisə nəticəsində dağıntı və ya xəsarət alanlar barədə məlumat verilməyib.