Rusiya İsveç Xarici İşlər Nazirliyinə Stokholmdakı səfirliyinə edilən son hücumla bağlı diplomatik nota təqdim edib.

Operativ Media xəbər verir ki, bu barədə Rusiyanın İsveçdəki səfiri Sergey Belyayev məlumat verib.

Onun sözlərinə görə, rəsmi Moskva hadisə ilə bağlı aparılan istintaqın nəticələrinin ən qısa zamanda özünə təqdim olunmasını İsveç hakimiyyətindən tələb edir.

Səfir bildirib ki, Rusiya tərəfi hücumun bütün hallarının obyektiv araşdırılacağını və məsul şəxslərin müəyyən ediləcəyini gözləyir.