ABŞ Prezidenti Donald Tramp Birləşmiş Ştatların İran rəhbərliyini məhv etmək niyyətində olmadığını bəyan edib. O, bunun İslam Respublikası ilə gələcək danışıqları qeyri-mümkün edəcəyini vurğulayıb.

Operativ Media xəbər verir ki, bu barədə "Axios" portalı Amerika lideri ilə keçirilən müsahibəyə istinadən məlumat yayıb.

​Nəşrdə bildirilir: "Tramp "Axios"a açıqlamasında İranın ali rəhbəri Əli Xameneinin vida mərasimini izlədiyini deyib". ABŞ Prezidenti İran rəhbərliyini nəzərdə tutaraq "Onların hamısı ordadır", - deyə qeyd edib.

Portalın dəqiqləşdirdiyi məlumata görə, Vaşinqton administrasiyasının rəhbəri İslam Respublikasının əsas rəsmi şəxslərini qətlə yetirmək məqsədilə zərbə endirmək ehtimalı barədə danışarkən belə deyib: "Biz bunu etməyəcəyik, çünki o zaman danışıqlar aparmağa kəsimiz olmayacaq".

​Amerika liderinin qənaətinə görə, İran tərəfi sülh sazişi üçün "yalvarır". Nəşrdə o da qeyd olunur ki, Tramp Əli Xameneinin vida mərasimində bəzi iranlıların ağladığını görməyinə təəccübləndiyini bildirib. Portal ABŞ Prezidentinin "Bəlkə də, bu, saxta göz yaşlarıdır", - sözlərini sitat gətirib.

​Bundan əvvəl Tramp ABŞ-nin Əli Xameneinin dəfn mərasimi ilə əlaqədar İrana danışıqlarda bir həftəlik fasilə verdiyini bəyan etmişdi.

​Qeyd edək ki, ABŞ və İsrailin zərbələri nəticəsində həlak olan Əli Xamenei ilə vida mərasimi iyulun 3-də Tehranda başlayıb. Matəm tədbirində azı 100 ölkədən gələn yüksək səviyyəli nümayəndə heyətləri iştirak edir. Rusiyanı mərasimdə Rusiya Təhlükəsizlik Şurası sədrinin müavini Dmitri Medvedev təmsil edib.