Tramp Rusiya və Ukraynanın münaqişəyə son qoymaq istədiyini bildirib
ABŞ Prezidenti Donald Tramp həm Moskvanın, həm də Kiyevin Ukraynadakı münaqişənin nizamlanmasında maraqlı olduğuna əmindir.
Operativ Media xəbər verir ki, Ağ Evdə jurnalistlərlə söhbəti zamanı Ukrayna ətrafındakı vəziyyəti şərh edən ABŞ lideri "Prezident Putin bunun başa çatmasını istəyir. Bunu sizə çox qətiyyətlə deyirəm", — deyə bəyan edib. Bununla yanaşı, Tramp iyulun 4-də Putinlə baş tutan telefon danışığını yüksək qiymətləndirib. "Yaxşı bir telefon danışığı oldu", — deyə ABŞ Prezidenti bildirib. Tramp həmçinin "O, bunu başa çatdırmaq istəyir. Ukrayna da bunu başa çatdırmaq istəyir. Və biz danışıqlar aparırıq. Zelenski də əslində bunun indi başa çatmasını istəyir", — deyə iddia edib.
"Biz NATO sammitinə gedəcəyik və orada bu barədə danışacağıq", — deyə Tramp məlumat verib. ABŞ lideri "Düşünürəm ki, biz Ukraynada nizamlanmaya nail olacağıq", — deyə əlavə edib.
