Ukrayna və Niderland "Drone Deal" sazişi imzalayıblar

Ukrayna Prezidenti Volodimir Zelenski və Niderlandın Baş naziri Rob Yetten dronlar sahəsində əməkdaşlıq haqqında saziş imzalayıblar.

Operativ Media "İnterfaks-Ukrayna"ya istinadən xəbər verir ki, sənədin imzalanma mərasimi NATO-nun Ankarada keçirilən sammitinin kuluarlarında təşkil olunan müdafiə forumu çərçivəsində baş tutub.

"Komandalarımızın Drone Deal-i hazırlamasına çox şadıq", - Zelenski bildirib.

Daha əvvəl Ukrayna Estoniya ilə dronlar sahəsində əməkdaşlıq haqqında saziş imzalamışdı.