Türkiyə Prezidenti Rəcəb Tayyib Ərdoğan çərşənbə Ankarada Böyük Britaniyanın Baş naziri Kir Starmer ilə görüşüb.

​Operativ Media Türkiyə mətbuatına istinadən xəbər verir ki, mətbuata qapalı keçirilən görüş ikigünlük NATO sammitinin son günündə baş tutub. Qeyd edək ki, Starmer ötən ay istefa verəcəyini bəyan etdiyindən, tezliklə vəzifəsindən ayrılmağa hazırlaşır.

​Ankara sammiti Avropanın müdafiə qabiliyyətini, alyansın müdafiə xərcləri hədəflərini, hərbi modernizasiyanı və Ukraynaya davamlı dəstəyi müzakirə etmək üçün 32 üzv ölkənin liderlərini, eləcə də əsas tərəfdaşları bir araya gətirib.

​Ankara görüşü 2004-cü il İstanbul sammitindən sonra Türkiyənin ev sahibliyi etdiyi ikinci NATO sammitidir. Bu toplantı, həmçinin Türkiyə ilə müttəfiq ölkələr arasında siyasi, təhlükəsizlik və iqtisadi əməkdaşlığa dair ikitərəfli görüşlərin keçirilməsi üçün bir platforma rolunu oynayır.