İsrail Müdafiə Qüvvələri (SAXAL) yəhudi dövlətinin şimal sakinləri üçün təhlükəsizlik tam təmin olunana qədər təhlükəsizlik zonasını tərk etməyəcək.

Operativ Media xəbər verir ki, bu bəyanatla İsrailin Baş naziri Benyamin Netanyahu İsrail Hərbi Hava Qüvvələrinin hərbi təyyarəçilər kursunun buraxılış mərasimində çıxış edib.

​"Biz (İsrail) İsrailin şimalındakı yaşayış məntəqələrinin təhlükəsizliyini təmin etmək üçün nə qədər lazım gələrsə, Livanın cənubundakı təhlükəsizlik zonasında qalacağıq", — deyə Netanyahu bildirib. Baş nazirin çıxışını SAXAL-ın mətbuat xidməti canlı yayımlayıb.

​İyulun 8-də keçid dövrü üzrə Suriya prezidenti Əhməd Əl Şaraa ilə görüşü zamanı jurnalistlərin suallarını cavablandıran ABŞ lideri Donald Tramp İsrailin öz qüvvələrini Livanın cənub bölgələrindən çıxarmaq niyyətində olduğunu düşündüyünü deyib.

​İyunun 26-da Livan və İsrail ABŞ-nin himayəsi altında Vaşinqtonda keçirilən beş raundluq danışıqlardan sonra çərçivə sazişi imzalayıblar. Sənədə əsasən, Livan silahlı qüvvələri ölkənin bütün ərazisi üzərində "effektiv suveren nəzarəti" mərhələli şəkildə bərpa edəcək. Qeyri-hökumət birləşmələri tərksilah olunacaq və onların hərbi infrastrukturu ləğv ediləcək ki, bu da İsrail qoşunlarının Cənubi Livandan çıxarılması üçün şərait yaratmalıdır.