ABŞ İrandan Hörmüz boğazı ilə bağlı öhdəlik tələb edib

ABŞ hakimiyyəti İrandan Hörmüz boğazının gəmiçilik üçün tam açıq olduğunu bəyan etməsini tələb edib.

Operativ Media xəbər verir ki, bu barədə “Axios” nəşrinin jurnalisti Barak Ravid sosial şəbəkədəki paylaşımında məlumat verib.

Onun sözlərinə görə, Vaşinqton Tehran qarşısında gəmilərə hücumlardan imtina etdiyini açıq şəkildə elan etmək tələbi qoyub. ABŞ tərəfi, həmçinin İranın Hörmüz boğazını tam açıq hesab etdiyini bildirməsini istəyib.

O qeyd edib ki, ABŞ bu tələbləri İrana həm birbaşa, həm də vasitəçilər vasitəsilə çatdırıb.