Qətərdə İranın hücumundan sonra üç nəfər yaralandı

İranın Qətərdəki "Əl-Udeyd" aviabazasına endirdiyi raket zərbələrinin qarşısının alınması zamanı qəlpələrin düşməsi nəticəsində biri uşaq olmaqla üç nəfər yaralanıb.

Operativ Media xəbər verir ki, bu barədə Qətərin Daxili İşlər Nazirliyi məlumat yayıb.

Bildirilib ki, xəsarət alanlara zəruri tibbi yardım göstərilir.

Nazirlik qeyd edib ki, İranın hücumlarından sonra təhlükəsizlik orqanları və Mülki Müdafiə qüvvələri təsdiq olunmuş fövqəladə hallar planına uyğun olaraq operativ tədbirlərə başlayıblar.