ABŞ-ın İrana endirdiyi yeni hava zərbələrindən sonra İran Bəhreyn, Küveyt, Qətər, Oman və İordaniyada yerləşən ABŞ hərbi obyektlərinə raket və pilotsuz uçuş aparatları ilə hücum etdiyini açıqlayıb.

Operativ Media xarici KİV-ə istinadən xəbər verir ki, bununla yanaşı, Tehran Hörmüz boğazının bağlandığını bəyan edib.

Məlumata görə, ABŞ hücumları İranın Hörmüz boğazında ticarət gəmisinə edilən hücuma cavab olaraq həyata keçirib. Vaşinqton İranın hərbi infrastrukturuna zərbələr endirdiyini bildirir, Tehran isə buna cavab verəcəyini açıqlayıb.

Regionda gərginliyin artması fonunda Körfəz ölkələrində təhlükəsizlik tədbirləri gücləndirilib, beynəlxalq ictimaiyyət isə tərəfləri eskalasiyadan çəkinməyə çağırır.