Amerika Birləşmiş Ştatları İrana məxsus dəniz limanlarının blokadasının tətbiqinə yenidən başlayır.

​Operativ Media xəbər verir ki, bu barədə ABŞ Prezidenti Donald Tramp özünün "Truth Social" sosial şəbəkəsindəki rəsmi hesabında paylaşım edib. Ağ Ev rəhbəri bildirib ki, bərpa olunan məhdudiyyətlər yalnız İrana aid gəmilərin və rəsmi Tehranın tərəfdaşlarının limanlara giriş-çıxışını qadağan edəcək.

​D.Trampın sözlərinə görə, bu embarqo digər dövlətlərin fəaliyyətinə təsir göstərməyəcək. ABŞ lideri əlavə edib ki, İran və onun müştəriləri istisna olmaqla, bütün digər ölkələr Hörmüz boğazından açıq və ədalətli şərtlərlə istifadə etmək imkanına sahib olacaqlar.