Fransada milli bayram ərəfəsində 188 nəfər saxlanılıb

Fransa hüquq-mühafizə orqanlarının əməkdaşları 14 iyulda qeyd olunan milli bayram münasibətilə ölkə daxilində keçirilən bayram tədbirləri zamanı 188 nəfəri saxlayıblar.

Operativ Media xəbər verir ki, bu barədə Fransanın daxili işlər naziri Loran Nunyes bildirib.

14 iyul gecəsi respublikanın 140 şəhərində zorakı hadisələr baş verib. Nazir qeyd edib ki, bu dəfə polislə toqquşmalar ötən illə müqayisədə daha az olub, həmin il 389 nəfər saxlanılıb. Həmçinin, qanunsuz fişəng istifadəsi hallarının sayı ötən il 650-dən dünən gecə 300-ə düşüb.