Azərbaycan Respublikasının Xarici İşlər Nazirliyi 15 İyul – Demokratiya və Milli Birlik Günü münasibətilə qardaş Türkiyə Respublikasını təbrik edib.

​Operativ Media xəbər verir ki, bu barədə nazirliyin rəsmi "X" sosial şəbəkə hesabında paylaşım edilib. Təbrik mətnində Türkiyə xalqına ən səmimi arzular çatdırılıb.

​Paylaşımda həmçinin ölkədə demokratiyanın, xalqın iradəsinin və birliyinin qorunması uğrunda canlarından keçmiş şəhidlərin xatirəsinin böyük ehtiramla anıldığı qeyd olunub, qəhrəman qazilərə isə dərin minnətdarlıq ifadə edilib.