Ermənistan və Amerika Birləşmiş Ştatları arasında TRIPP (Beynəlxalq Sülh və Rifah üçün Tramp Marşrutu) layihəsi çərçivəsində strateji tərəfdaşlıq haqqında çərçivə sazişinin təsdiqlənməsi məsələsi hökumətin 16 iyul iclasının gündəliyinə daxil edilib.

Operativ Media xəbər verir ki, bu barədə erməni mediası məlumat yayıb.

Ermənistan hökuməti müqavilənin təsdiqlənməsi haqqında qanun layihəsini təsdiqləməyi təklif edir.

Hökumətin qətnamə layihəsində müqavilədə təsbit olunmuş öhdəliklərin Ermənistan Konstitusiyasına uyğunluğunu müəyyən etmək üçün Konstitusiya Məhkəməsinə müraciət edilməsi nəzərdə tutulur.

Bildirilib ki, Konstitusiya Məhkəməsi müqavilədə təsbit olunmuş öhdəliklərin konstitusiyaya uyğun olduğunu müəyyən edərsə, hökumətin qanunvericilik təşəbbüsü müəyyən edilmiş qaydada Milli Məclisə təqdim ediləcək.

Xarici işlər nazirinin müavini Vahan Kostanyan hökumətin Konstitusiya Məhkəməsindəki nümayəndəsi təyin ediləcək.

Qanun layihəsinin əsaslandırmasına görə, qanunun qəbul edilməsi Ermənistan-ABŞ arasında TRIPP çərçivəsində strateji əməkdaşlıq haqqında çərçivə sazişinin qüvvəyə minməsi üçün zəruri prosedurları təmin edəcək.