Slovakiya Respublikasının Prezidenti Peter Pelleqrini iyulun 15-də Azərbaycana rəsmi səfəri çərçivəsində Bakıda "Müqəddəs Bakirə Məryəmin Günahsız Hamiləliyi" katolik kilsəsini ziyarət edib.

Operativ Media xəbər verir ki, bu barədə Slovakiya liderinin sosial media hesabında paylaşım edilib.

"Azərbaycana səfərimin ən mənalı məqamlarından biri Bakıdakı Müqəddəs Bakirə Məryəmin Günahsız Hamiləliyi kilsəsində Monsenyor Vladimir Fekete ilə görüşmək idi. 

Slovakiyalı həmvətənlərimin xaricdə fədakarlıqla xidmət etdiyini və insanlar arasında körpülər salmağa kömək etdiyini görmək hər zaman qürur mənbəyidir", - deyə paylaşımda qeyd olunub.