Cənubi Koreya hakimiyyəti 14 yaşdan kiçik uşaqların sosial mediadan istifadəsini qadağan etməyi nəzərdən keçirir.

Operativ Media xəbər verir ki, bu barədə Cənubi Koreya Rabitə və Kütləvi Media Komissiyasının sədri Kim Çen Çul bildirib.

"14 yaşdan kiçik uşaqların sosial media hesabları yaratmasını məhdudlaşdırmaq və 14-19 yaşlıların bu cür platformalardan həddindən artıq istifadəsini təşviq edən alqoritmlərin təsirini məhdudlaşdırmaq planını nəzərdən keçiririk", - deyə o qeyd edib.

Parlamentdə yetkinlik yaşına çatmayanların sosial mediadan istifadəsinə dair təxminən yeddi qanun layihəsi təklif olunub.