Gürcüstan prezidenti Mixeil Kavelaşvili ilə Türkmənistan prezidenti Sərdar Berdiməhəmmədov arasında təkbətək görüş olub.

Operativ Media xəbər verir ki, bu barədə Gürcüstan prezident administrasiyası məlumat yayıb.

Tərəflər görüşdə Gürcüstan və Türkmənistan arasında əməkdaşlığın genişləndirilməsi perspektivlərini müzakirə ediblər.

Həmçinin görüş zamanı diqqət ticarət-iqtisadi əlaqələrin dərinləşdirilməsinə, investisiyaların təşviqinə, enerji, nəqliyyat və logistika sahələrində əməkdaşlığa, eləcə də Orta Dəhlizin strateji potensialından daha səmərəli istifadəsinə yönəlib.