Rəqəmsal inkişaf və nəqliyyat naziri Rəşad Nəbiyev "Samsung C&T Corporation Engineering & Construction Group"un prezidenti və baş icraçı direktoru Oh Se Çul və Qlobal biznes və əməliyyatlar bölməsinin prezidenti Kim Cunq Vuk ilə görüş keçirib.

Operativ Media xəbər verir ki, bu barədə nazir sosial media hesabında paylaşım edib.

Görüşdə nəqliyyat infrastrukturunun modernləşdirilməsi istiqamətində həyata keçirilən layihələri müzakirə edilib.

Eyni zamanda Azərbaycanda "Samsung"un Regional Əməliyyat və Rəqəmsal Mərkəzinin yaradılması perspektivləri və bu istiqamətdə əməkdaşlıq imkanları barədə fikir mübadiləsi aparılıb.