Türkiyənin xarici işlər naziri Hakan Fidan iyulun 19-da Qətərə səfəri zamanı Fars körfəzində nizamlanmanı, Hörmüz boğazında gəmilərin təhlükəsizliyinin tam təmin edilməsi perspektivlərini və İsrailin sabitliyi pozan fəaliyyətlərini müzakirə etmək niyyətindədir.

Operativ Media xəbər verir ki, bu barədə Türkiyə Xarici İşlər Nazirliyi məlumat yayıb.

"Bu səfər zamanı nazir Fidan Fars körfəzindəki münaqişənin yekun həllinin və gərginliyin daha da artmasının qarşısının alınmasının ən təxirəsalınmaz prioritetlər olduğunu bəyan edəcək. O, həmçinin bu istiqamətdə davam edən diplomatik təşəbbüsləri və vasitəçilik səylərini müzakirə edəcək. Fidan Hörmüz boğazında gəmilərin hərəkətinin təhlükəsizliyinin tam təmin edilməsinin vacibliyini vurğulayacaq", - məlumatda qeyd olunub.