Qayana sahillərində baş verən bərə qəzasında 27 nəfər həlak olub

Qayana sahillərində "MV Barima" bərəsinin batması nəticəsində 27 nəfər həlak olub, 83 nəfər isə itkin düşüb.

Operativ Media xəbər verir ki, bu barədə ölkənin İctimai İnformasiya Departamenti məlumat yayıb.

Agentliyin saytında dərc olunmuş açıqlamada deyilir: "Son məlumatlara görə, sərnişinlər və heyət üzvləri də daxil olmaqla 69 nəfər xilas edilib, 27 cəsəd tapılıb, 83 nəfər isə itkin düşmüş hesab olunur".

Baş nazir Mark Filips axtarış-xilasetmə əməliyyatlarını davam etdirdiyini açıqlayıb.