Nyu-York məhkəməsi Venesuelanın sabiq prezidenti Nikolas Maduro və həyat yoldaşı Siliya Floresə qarşı işin mahiyyəti üzrə məhkəmə prosesinin başlanmasını 1 iyun 2027-ci il tarixinə təyin edib.

Operativ Media xəbər verir ki, bu barədə ˝Associated Press˝ agentliyi məlumat yayıb.

Cədvələ əsasən, tərəflər bu ilin sentyabr ayından etibarən iş üzrə vəsatətlər təqdim etməyə başlayacaqlar.

Xatırladaq ki, 3 yanvar 2026-cı ildə ABŞ Venesuelada həyata keçirdiyi əməliyyat zamanı Nikolas Maduro və həyat yoldaşını saxlayaraq ölkədən çıxarıb.

Onlar 5 yanvar tarixində Nyu-York ştatının Cənub dairəsi üzrə federal məhkəməsinə çıxarılıblar.

Cütlük narkotik ticarətində iştirakda ittiham olunur. Maduro və həyat yoldaşı ittihamları qəbul etməyiblər. Hazırda Venesuelada dövlət başçısının səlahiyyətlərini icraçı prezident Delsi Rodriges həyata keçirir.