Konqo Demokratik Respublikasının şərqində Müttəfiq Demokratik Qüvvələrin (ADF) üsyançılarının törətdiyi ehtimal olunan hücum nəticəsində, aralarında mədənçilərin də olduğu azı 16 nəfər həlak olub.

Operativ Media xəbər verir ki, bu barədə yerli məmur Janvye Kinyongi Buniada jurnalistlərə bildirib.

O bildirib ki, hücum çərşənbə günü günortadan sonra əyalət mərkəzi Buniadan 165 kilometr cənub-qərbdə yerləşən Mambasa ərazisindəki Mandeite kəndində baş verib.

"Qurbanların çoxu qızıl mədənçiləridir. Ətraf ərazilərdən hələ də hücum xəbərləri gəlməyə davam etdiyi üçün ölənlərin sayı ilkindir," — deyə o, qeyd edib.