Beynəlxalq Futbol Federasiyası (FİFA) 2026-cı il dünya çempionatının rəmzi yığmasını təqdim edib.

​Operativ Media xəbər verir ki, bu barədə qurumun rəsmi saytında məlumat verilib. Turnirin əsas sürprizlərindən birinə çevrilən Kabo-Verde millisinin qapıçısı Vozinya rəmzi heyətdə yer alıb.

​Müdafiə xəttində Mark Kukurelya, Pedro Porro (hər ikisi İspaniya), Dayo Upamekano (Fransa) və Lisandro Martines (Argentina) qərarlaşıblar. Yarımmüdafiə mövqeyinə Cud Bellingem (İngiltərə), Rodri (İspaniya) və Maykl Olise (Fransa) seçiliblər. Hücum xəttində isə Lionel Messi (Argentina), Erlinq Holann (Norveç) və Kilian Mbappeyə (Fransa) üstünlük verilib.

​2026-cı il dünya çempionatı 32 deyil, 48 komandanın iştirak etdiyi ilk turnir kimi tarixə düşüb. FİFA-nın qəbul etdiyi yeni format iştirakçı ölkələrin coğrafiyasını genişləndirib və matçların ümumi sayını 104-ə çatdıraraq təqvimə əlavə 40 oyun qazandırıb. Qurumun prezidenti Canni İnfantino komandaların sayının gələcəkdə 64-ə çatdırılması imkanlarının da nəzərdən keçirildiyini bildirib.

​Xatırladaq ki, 2026-cı il dünya çempionu İspaniya millisi olub. Final matçında Argentina ilə qarşılaşan ispanlar əsas vaxtı 0:0 hesabı ilə başa çatan oyunun ikinci əlavə taymında "Barselona"nın 26 yaşlı hücumçusu Ferran Torresin vurduğu yeganə qolla qələbə qazanıblar.