Tramp: Ticarət gəmilərinə dəyən ziyan İranın dondurulmuş aktivləri hesabına ödəniləcək

ABŞ Prezidenti Donald Tramp ticarət gəmilərinə, yüklərə və ya bunlarla bağlı əmlaka dəyən istənilən ziyanın ABŞ-nin nəzarəti altında olan dondurulmuş İran aktivləri hesabına ödəniləcəyini bildirib.

Operativ Media xəbər verir ki, bu barədə "Truth Social" məlumat yayıb.

"Bu andan etibarən gəmilərə, yüklərə və ya bunlarla bağlı hər hansı digər şeyə dəymiş bütün və istənilən ziyan ABŞ-nin sərəncamında və nəzarətində olan İran vəsaitləri hesabına ödəniləcək. Bu ziyan çox əhəmiyyətli ola bilər, lakin buna baxmayaraq, bu, ədalətli və əsaslandırılmış bir addımdır", - məlumatda qeyd olunub.