UNESCO Yaxın Şərqdəki altı abidəni təhlükədə olan Dünya İrsi Siyahısına əlavə edib

Birləşmiş Millətlər Təşkilatının Təhsil, Elm və Mədəniyyət Təşkilatı (UNESCO) Yaxın Şərqdəki altı abidəni Təhlükədə olan Dünya İrsi Siyahısına daxil edib. 

Operativ Media xəbər verir ki, bu barədə "Əl-Cəzirə" məlumat yayıb.

Müvafiq qərar UNESCO-nun Ümumdünya İrs Komitəsinin Busan şəhərində (Koreya Respublikası) keçirilən 48-ci sessiyasında qəbul edilib.

Siyahıya Amel dağı ərazisindəki beş Livan qalası, o cümlədən XII əsrdə qurulmuş Bofort qalası, Sebastiya arxeoloji ərazisi daxildir.

Əvvəllər UNESCO-nun Dünya İrsi Siyahısına daxil edilmiş qədim Tirin xarabalıqları, İsrailin Livana hava hücumlarından sonra Təhlükədə olan İrs siyahısına salınıb.